Follow us on:

Facebook Twitter LinkedIn YouTube

Archive - Seychelles

Lekor maren ki’n ganny brile i ariv ater | 31 March 2014

Lekor sa de maren ki ti’n mor abor en bato ki ti pe flot paviyon Taylande ti ganny transporte lakaz mor Vandredi swar e sa trwazyenm maren ki ti’n ganny brile li i admit kot Lopital Sesel.

Sa de viktim ki’n mor i en zonm Filipino aze 24-an e en zonm Endonezyen aze 21-an. Sa enn ki’n ganny brile e ankor vivan i en Filipino.

Sa bato avek non Ho-Fu-mei No.6 ti koste por komersyal ver 11er diswar Vandredi e bann zofisye lapolis ki ti prezan ti mont abor pour tir lekor sa de maren e zot ti ganny led lezot maren ki travay

abor sa bato e anmas levidans dan sa ka.

Dapre lapolis, sa de maren ti mor apre ki dife ti pran abor e bril 2 kabin ki zot ti ladan. Sa lensidan ti ariv ver 10er diswar Merkredi le 26 Mars. Letan sa lensidan ti arive sa bato ti dan delo

teritoryal Sesel.

Dapre lapolis se ozordi ki dokter pou egzamin lekor sa de viktim avan pran en dezisyon si pou fer letopsi e kan ki zot lekor pou ganny repatriye kot zot.

Lapolis in dir ki zot pa kapab devwal plis lenformasyon akoz zot pe  fer en lanket dan sa lensidan.

» Back to Archive