SPTC i bouz lo 3enm faz travay pour sanz twatir lo terminal |06 September 2013

Korporasyon Transpor Piblik (SPTC) in dir ki i pe al konmans trwazyenm faz travay pour sanz twatir lo terminal bis Victoria.

Travay pou konmanse Lendi le 9 Septanm e SPTC pe fer serten sanzman platform pour permet travay kapab deroul byen.

Dimoun ki pe fer sa bann larout swivan bann laranzman platform pou koumsa:

.   Baie Lazare via La Misère, Anse Boileau via La Misère, Barbarons Estate via La Misère pou bouz lo platform ‘S’

.   Les Mamelles pou bouz lo platform ‘U’

.   Port Launay via La Misère pou bouz lo platform ‘T’

.  Glacis via Anse Etoile pou bouz lo platform ‘V’

Platform S, U, T ek V i bann platform ki ti premye pour ganny rekouver.

.   North East Point, Seaview, Upper La Retraite ek Sorento pou bouz lo platform ‘M’

.   Curio Road, Port Launay via Sans Soucis ek La Misère pou bouz lo platform ‘K’

.   Bel Ombre ek Persévérance zot pou bouz lo nouvo platform ki’n ganny konstrir an fas avek batiman SPTC

.    Dan Lenn ek Roche Bois zot pou bouz lo platform ‘O’

.     Quincy, Majoie ek Copolia zot pou bouz lo platform ‘Q’

.    Mt Signal ek Union Vale zot pou bouz lo platform ‘R’

.    Foret Noire ek Cap Bonm Zan zot pou bouz lo platform ‘P’

 Fodre note ki platform O, Q, R ek P se bann platform ki fek fini ganny rekouver.

 Sa de larout swivan pou reste lo platform kot zot ete aktyelman. Sa i enkli larout Belvedere ek Anse Boileau Mont Plaisir via La Misère ki pou reste lo platform ‘N’. La Gogue via Maldives ek Manresa pou kontinyen reste lo platform ‘L’. 

SPTC i dir ki sa bann laranzman i tanporer ziska ki travay i konplete.  Pour plis lenformasyon, silvouple lir bann lansenny ki pou ganny plase lo bann poto otour terminal.

SPTC i osi demann manm piblik pour swiv byen bann demarkasyon ki’n ganny mete. SPTC i oule ankor enn fwa fer rapel ki sanzman platform pou pran lefe Lendi le 9 Septanm 2013.