Manm lafors defans i penn ward dan lopital |04 May 2005

Sa i form parti bann travay volonter ki SPDF i fer pour lakominote e i osi tonm dan kad plan Minister Lasante ek Servis Sosyal pour donn en pli bon lanvironnman travay bann staf medikal e rann sezour bann pasyan pli konfortab e agreab.

I osi swiv travay ki SPDF ti fer de semenn pase pour penn ward medikal kot bann pasyan zonm ek madanm i ganny admet pour tretman.

Departman Lasante in dir ki i byen akey sa zes zenere ki bann manm lafors defans pe fer, kot zot pa pe donn zis zot kouraz me osi kontribye bann materyo neseser pour travay avek.
Sa partenarya ant sa departman ek SPDF ki ekspekte kontinyen pandan lannen, ava ede gard Lopital Victoria dan en bon leta.