Kominike lapolis-Trafik drog ilegal |04 May 2005

Sa 2 dimoun, ki ti ganny arete Sanmdi le 30 Avril, ti pas ankour Mardi. 

Pandan en lafouy fer kot zot rezidans Petit Paris Sanmdi ver 4.30 apremidi, serten kantite drog hashish, en sigaret drog kanabis ek enpe lapoud ki lapolis i sispekte i eroin ti ganny dekouver e sezi. 

Sa 2 dimoun pe rimann ziska le 5 Me.

18 plan kanabis i ganny dekouver

Dan en loperasyon konzwent, larme ek lapolis ti dekouver anviron 18 plan kanabis matir e preski sek, lo en gro ros dan leo Montagne Pose.

Sa dekouvert ti ganny fer Sanmdi bomaten. 

Ziska prezan napa personn ki’n ganny arete an relasyon avek sa dekouvert.

Latak ek vol kont en madanm
En zonm pe rimann

En zonm 40 an sorti Foret Noire pe rimann an detansyon lapolis ziska le 6 Me an koneksyon avek en lensidan latak ek vol kont en madanm.

Sa zonm in ganny arete koman sispe nimero enn dan en ka kot en madanm ti ganny atake e son sak, ki ti annan 2,300 roupi ladan osi byen ki bann dokiman personnel, ti ganny vole.

Sa lensidan ti ariv dan zanmerant lorloz Dimans granmaten.