Follow us on:

Facebook Twitter LinkedIn YouTube

Archive - Archive 2004 - July 2013

Proze mark ton-Lesey pour kolekte labwet otour Mahe in komanse |07 May 2005

Sa bann pti pwason pou ganny servi pour fer labwet dan sa progranm rezyonal pour mark ton.

IOTC in konfirmen ki tou mezir neseser pou ganny pran pour ki napa enterferans avek peser lokal pandan sa loperasyon e zot in donn lasirans ki sa bann pti pwason ki pe ganny atrape napa okenn valer komersyal.

Peser ki enterese i ganny envite pour zwenn sa loperasyon ki pe antreprann par sa de bato resers letan ki zot dan Por Victoria e aprann plis lo lobzektif sa progranm.

Fodre note ki sa de bato resers pou pas plis zot letan andeor delo Seychelles vi ki zot lentasyon se pour mark ton dan was Losean Endyen.

I osi annan posibilite ki si sa lesey atrap labwet i en sikse, peser lokal a kapab ganny envite pour lapes e vann sa kalite labwet direkteman avek bato resers.

Pour plis lenformasyon konsernan aktivite sa de bato ouswa sa progranm, kontakte Dr Jean-Pierre Hallier kot IOTC oubyen Msye Vincent Lucas kot Lotorite Lapes Seychelles (SFA).

» Back to Archive