Prezidan ek vis-prezidan i pas en moman detant avek bann madanm SPPF |10 May 2005

Dapre tyermenn sa lorganizasyon, Madanm Sylvette Pool, sa piknik ti en moman pour mobiliz bann madanm SPPF ki'n touzour “en pwisans” dan parti mazoriter.

Ler i ti adres bann madanm ek lezot manm piblik ki ti prezan kot sa piknik, Prezidan Michel ti dir ki se bann madanm ki pilye nou sosyete e se zot ki'n lite pour anmenn laliberte Seychelles.

Prezidan ti dir ki i annan konviksyon dan bann madanm ek zenn fiy SPPF e i ti demann zot pour kontinyen "reste sanpyon zot lakoz, ek sanpyon zot drwa".

Apre Prezidan ti melanz avek lafoul pour koz enpe avek bann ki ti prezan.

Pandan lazournen ti osi annan tonbola e sete benn Zenith ek bann santez tel parey Michelle Marengo, Kathy Melanie, Joenise Juliette ek lezot ankor ki ti anim apremidi.