En sekirite i ganny trouve mor dan en twalet |12 May 2005

Lekor Guilly Beaudoin, sa zonm an kestyon, ti ganny dekouver par en lot travayer sa sant letan ki i ti pe al servi sa twalet.
 
Dernyen fwa ki Msye Beaudoin ti ganny trouve vivan ti ver midi sa menm zour.
Apre rezilta letopsi ki ti fer Merkredi 11 Me bomaten lo lekor Msye Beaudoin, lapolis in dir ki zot pa pe sispekte okenn akt malisye dan son lanmor.

Lekor Msye Beaudoin in ganny remet avek son fanmiy.

Frod kot Servis Sosyal

En madanm pe rimann Ile Longue

Lakour in ordonnen ki en madanm 46 an ki reste Anse Louis i rimann Ile Longue ziska le 25 Me an koneksyon avek ka frod raporte kot Servis Sosyal pli bonor sa lannen.
 
Sa madanm, ki ti ganny arete Mardi 10 Me bomaten swivan lanket, ti pas ankour sa menm zour apremidi.