Follow us on:

Facebook Twitter LinkedIn YouTube

Archive - Archive 2004 - July 2013

En gran lafoul fidel i rasanble pour lafet Lapannkot |16 May 2005

En gran lafoul fidel i rasanble pour lafet Lapannkot

Rasanbleman Dimans  ti ranpli avek divers animasyon par bann zanfan lekol ek lezot zenn

Bann fidel sorti dan bann parwas lo Mahe, Praslin, La Digue e osi bann reprezantan sorti dan bann pei larezyon ti'n zwenn ansanm avek Levek Legliz Katolik, Monsenyer Denis Wiehe, ek bann lezot pret katolik pour priye e sante.

Osi prezan kot sa gran rasanbleman dyosezen ti envite spesyal, Levek Pierre Sagna sorti Senegal ek Levek Legliz Anglikan, Monsenyer Santosh Marray.

Ler i ti adres bann ki ti prezan pandan lanmes, Monsennyer Wiehe ti demann bann kretyen pour swiv lespri laverite, pour priy Lespri Sen pour rezourd bann konfli e "pour viv nou lavi dan linite".

I ti osi fer en mansyon spesyal pour tou bann fanmiy ki ti'n ralye, anvi ki sa aktivite ti koensid ek Lazournen Enternasyonal Lafanmiy.

Sa rasanbleman, ki ti ganny selebre anba tenm "Soufle Lespri Sen, Ranpli Leker Nou Legliz, Anmenn Nou Lo Semen Lavi", ti enn ranpli avek divers animasyon par bann zanfan lekol ek lezot zenn.

Rasanbleman ti kontinyen pandan lapremidi ek plis kantik relizyez e termin avek en benediksyon final.

 Monsenyer Wiehe i adres lafoul Monsenyer Wiehe i adres lafoul

 

» Back to Archive