Plizyer dimoun an detansyon pou vole |25 May 2005
Premyerman en zonm 34 an sorti Bel Ombre pe rimann kot Kordgard Santral ziska le premye Zen 8er30 bomaten an konneksyon avek plizyer ka kas lakaz e vole. Mardi 24 Me sa zonm ti ganny sarze pour enn sa bann ka, raporte Sans Sousis le 6 Me.
Dan en lot ka, en garson 16 an sorti Les Mamelles parkont li in Mardi ganny sarze pou kas batiman e vole. Sa lofans ti ganny komet le 11 Zanvye sa lannen dan sa menm distrik Les Mamelles.
Sa akize pe rimann an detansyon lapolis ziska le 3 Zen, zour ki i pou reaparet an kour.
Asosye avek menm ka, i annan enpe letan deza depi ki 2 lezot akize pe rimann Lil Long lo lord lakour.
E finalman de lezot garson, enn 20 an e lot 21 an pe rimann touzour an detansyon lapolis ziska le 27 Me. Sa 2 sispe ti servi vyolans pou komet en ka vol kont en zonm Rivière Anglaise le 14 sa mwan.
Tou le 2 i ekspekte ganny sarze vandredi27 Me apremidi zour ki zot pou reaparet ankour.