Follow us on:

Facebook Twitter LinkedIn YouTube

Archive - Archive 2004 - July 2013

Dimoun aze in demann zenn pour servi loportinite ki a zot dispozisyon |31 May 2005

Dimoun aze in demann zenn pour servi loportinite ki a zot dispozisyon

Nou portre i montre dimoun aze pe enterakte avek zanfan dan en zwe tradisyonnel a lafen en seminar de zour ki ti deroul pandan wikenn kot Vilaz Lazenes Cap Ternay anba tenm "Trwazyenm-az koman lazans sipor pour nou zanfan, nou trezor, nou lavenir".

Sa ti mesaz prensipal ki ti resorti dan en seminar ki ti fer pandan wikenn kot Vilaz Lazenes, Cap Ternay.

Atraver sa seminar, ki ti deroul anba tenm "Trwazyenm-az koman lazans sipor pour nou zanfan, nou trezor, nou lavenir", bann manm sa lasosiasyon sorti dan tou distrik atraver pei ti diskit lo meyer fason pour enterakte pli byen avek bann zanfan.
Sa seminar, ki ti komans Vandredi e termin Dimans apremidi, ti organize par Lasosiasyon Trwazyenm-az an kolaborasyon avek departman gouvernman lokal dan Minister Gouvernman Lokal, Sport ek Kiltir.

Atraver bann deba bann zenn, sorti dan diferan distrik lo Mahe, ti osi eksprim dezir pour travay etrwatman avek bann trwazyenm-az afen ki bann aze ava kapab partaz zot leksperyans avek zot.

Bann dimoun aze ti a zot tour donn bann zenn plizyer konsey lo ki mannyer pour elve zot zanfan, apros zot paran, parmi lezot size.

Lo zot kote bann zenn ti remersye bann dimoun aze pour zot letan e zot bann bon konsey  ki zot ti dir zot ava servi pour ed zot vin ban bon sitwayen.

In osi annan demann pour ki bann lesanz parey i kontinyen. 

Pandan sa kanpman, bann manm group trwazyenm-az ti osi partisip ansanm avek bann zenn dan bann zwe tradisyonnel parey lapilapon, zwe kafoul, parmi lezot ankor.

Antretan sa lasosiasyon i ekspekte organiz plizyer aktivite kiltirel alokazyon Lazournen Enternasyonal Trwazyenm-az an Oktob.

 

 

» Back to Archive