Trafik drog ilegal-Trwa dimoun an detansyon lapolis |31 May 2005

Sa de lezot i en zonm 24 an sorti osi Mont Buxton ek enn 27 an ki reste Lari Labourdonnais.

Dapre lapolis, sa trwa deteni ti ganny arete ver 11er bomaten Lendi dan distrik Mont Fleuri.

Dan zot posesyon ler zot ti ganny arete ti annan serten kantite lapoud ki lapolis i sispekte i “heroin”, serten kantite drog “hashish”, de balans elektronik ki servi pour pez sa bann stipefyan, kaye sigaret, sis telefonn portab, avek anviron 16,000 roupi.
Sa trwa deteni i ekspekte pas ankour ozordi bomaten.

Dan en lot lensidan separe me ki annan pour fer avek drog, lapolis in raporte ki en zonm 24 an ki reste Green Estate Anse Aux Pins pe rimann an detansyon lapolis ziska Zedi le 3 Zen pour posesyon drog ilegal. Sa zonm, ki ti ganny arete ver 11er bomaten Lendi, ti pas ankour sa menm zour apremidi.

En fiy 10 an i noye La Digue

Lapolis in raporte ki en pti fiy 10 an, Maria Antat, sorti La Digue, ti raporte noye Anse Cocos, La Digue Sanmdi apremidi.

Sa lensidan trazik ti ganny raporte avek lapolis ver 4.15 apremidi par ners kot lopital La Digue.

Dapre rapor lapolis Maria ti lo en piknik avek en group zanfan NRA letan sa lensidan ti arive.

I ti ganny raporte mor an arivan lopital La Digue.