Florestan Mussrad, pli vye sitwayen Seychelles |07 November 2005

Sete, antoure par son 4 zanfan, set pti zanfan ek 12 aryer pti zanfan ki Msye Mussard ti fet son 108 enm lanniverser, Sanmdi, kot rezidans enn son fiy, Anse Faure, Pointe Larue.

Msye Mussard ki pa tande e ki pa kapab marse ti travay koman en labourer.

Dapre enn son fiy Elvina Agrippine, menm si i sourd, Msye Mussard i toultan rakont zot en pti pe listwar lepase.

Msye Mussard ti annan senk zanfan e enn parmi in mor. I reste li de fiy ek de garson – Madanm Agrippine aze 77 an, Irene Mussard 70 ans, Victor ek Yvon Mussard aze 74 e 66 an respektivman.

Sa pti lafet ki ti fer Sanmdi 6 Novanm ti komans par en benediskyon par Per Lonnie Adrienne.