Follow us on:

Facebook Twitter LinkedIn YouTube

Archive - Archive 2004 - July 2013

Pelerinaz Vandredi Sen lo Montanny Trois Frères-Piblik i ganny averti kont danze |05 April 2007

Sa i akoz move kondisyon santye ki’n ganny abimen par lerozyon tou resaman, ki Departman Lanvironnman i dir i kapab poz plizyer risk sekirite e danze pour bann ki grenp sa montanny sa zour.

Dapre Hansel Simara, en zofisye Departman Lanvironnman, lerozyon in konpletman detri leta santye ki normalman diriz bann viziter ver latet Montanny Trois Frères, e sa in fors zot pour konsey manm piblik pour evite servi sa santye a tou pri, vi ki bokou presyon lo la i kapab okazyonn deboulir later ek ros ki a vin en danze pour sekirite bann pelren.  

Msye Simara i dir ki pour le moman zot pe konsey manm piblik ki grenp Montanny Trois Frères Vandredi Sen pour ariv selman ziska kot kyos i sitye e pa pli lwen ki sa.

I dir ki zot bann zofisye pou prezan kot kyos pour eksplik bann manm piblik danze ki zot kapab fer fas avek si zot ensiste pour mont anler lo latet montanny kot lakrwa i sitye.

Msye Simara i azoute ki ziska nouvo lord, menm apre Vandredi Sen, fodre ki manm piblik i enformen avan zot fer okenn lesey pour grenp Montanny Trois Frères.

» Back to Archive