Letter to the Editor-Bravo JJ Foundation |04 April 2009

Ti’n plis ki ler pour rekiltiv sa lespri volontarya. Mon fyer kan mon realiz kontribisyon ek lanmour ki mon anmennen dan leker bann dimoun ki mon’n ede, ki swa atraver mon prezans obor sa pasyan ki ganny kanser, ler mon pe ede kot lopital Anse Norde pour fer manze pasyan, oubyen menm sa dimoun ki mon donn en pasaz lo mon semen. Ler mon mazin sa bann semenn ki nou group relief workers ti pase an Sri Lanka dan kad travay imaniter apre sounami, mon realize ki sakenn de nou dan nou pti fason nou kapab fer en gran diferans dan leker lezot. Nou ankouraz otan zenn pour partisip dan sa progranm volonter, e ankouraz zot pour fer menm plis ki sa 100 erdtan. Mon konnen ki zot pou apresye ler zot pou vwar lazwa ki ou kapab anmennen lo figir ou frer ler ou pe ede.

Mon osi profite pour felisit bann lezot mouvman, group ek endividi ki enplike dan bann aksyon benevol.
Mon termin avek parol Lord Baden Powell, fondater mouvman scout : « Annou fer sa mon’n enpe pli meyer ki nou ti zwenn li, e ki pli bon fason pour fer li ki par ed nou frer. »

Jules Hoareau
Morne Blanc