Bann distrik i selebre zot zournen portouvert, Takamaka i ganny en nouvo sant kominoter


25-April-2009

Prezidan Michel i ganny en lakey spektakiler par bann zanfan lekol Takamaka ler i ti arive pour louvertir nouvo sant kominoter sa distrik

Sa  seremoni ti enn tre emouvan, e ranpli avek kouler.
Parmi bann envite ti Prezidan Larepiblik, Msye James Alix Michel, plizyer minis, manm lasanble nasyonal, sekreter prensipal, ladministrater distrik, e en gran nonm zabitan sa distrik.

Nouvo sant kominoter Takamaka

Sa levennman ti koensid avek lazournen portouvert sa distrik.

Fodre dir ki sa portouvert i form parti en seri aktivite organize dan tou bann distrik lo Mahe, Prezidan Michel e minis McSuzy Mondon ki oriziner Takamaka pe salye bann dimoun aze apre louvertir santPraslin e osi La Digue.

Sa bann aktivite ki ti komans depi le 14 Mars pe deroul anba tenm “ Angaze anver devlopman lokal e emansipasyon lakominote”. Sa i tenm ki Minister Devlopman Kominoter, Lazenes, Spor ek Kiltir in adopte pour sa lannen.

.Premye portouvert ti fer dan distrik Au Cap Sanmdi le 14 Mars. Sa zour bann zabitan ti ganny sans selebre zot lakonplisman 2008 e osi ganny plis lenformasyon lo bann proze e progranm ki distrik pe planifye pour sa lannen.

Sa ti an traver en gran legzibisyon ki ti’n monte  par tou bann partener angaze dan devlopman e epanouisman sa distrik.

Manm piblik e viziter ti osi ganny sans pou admir e aste bann prodwi lokal ki bann zabitan zot menm ti’n anmennen. Sa ti dan en gran lafwar organize borlanmer e ki ti ale ziska tar apremidi.
Sa lafwar ti organize an kolaborasyon avek SENPA.

Pandan ki serten distrik ti’n organiz diferan sware kreativite, poezi, teat, sanson, ladans tradisyonnel e modern e defile lanmod par bann zanfan lekol, lezot ti angaze dan en varyete aktivite sportif.

Madanm Servina ek Madanm Florentine pandan animasyon lo romans dan distrik Grand Anse Mahe Bann zenn sitwayen lekol Anse Boileau i admir bann lobze zrtizanal dan legzibisyon pandan zot lazournen portouvert

Lazournen portouvert i sa moman kot sak distrik i demontre son spesyalite e son diferans. Par egzanp, pandan ki Anse Royale ti pe lans en DVD lo sa distrik (en nouvo linisyativ devlope par en zenn profesyonnel sa kominote), Anse Boileau li i ti profit sa lokazyon anyel pou ofisyelman lans son nouvo lasosyasyon (Anse Boileau Environmental Protection and Coastal Rehabilitation Association – AEPCA).

Sa lasosyasyon i regroup serten profesyonnel sa distrik ki konsernen e angaze anver bann proze reabilitasyon lakot e osi ledikasyon lakominote an sa ki konsern zot langazman anver proteksyon zot prop lans ek lakot ki pe ganny menase par lerozyon.
Sa proze ki pou al pour anviron 18 mwan pe ganny antreprann an de faz. Sa i konpri anter bann poto sed dan disab toudilon lakot, ranplas disab kot i’n degrade e finalman replant pye didwa lo lakot.

Minis Meriton ek son lekip pe vizit en legzibisyon tablo fer par bann zenn dan distrik Au Cap De zenn lekol segonder Mont Fleuri pe gard zot enformen lo risk kanser dan bann msye

Pour sa proze, AEPCA pe ganny lasistans teknik zofisye Departman Lanvironnman dan Minister Lanvironnman Resours Natirel ek Transpor e osi lasistans finansyel Linyon Eropeen an traver proze pour devlopman lakot apele ReCoMAP.

Pandan en pti seremoni ki ti fer dan sant kominoter sa distrik Sanmdi le 4 Avril bomaten,  tyermenn AEPCA, Msye Louis Loizeau ti demann sak zabitan sa distrik pour “plante e pran swen avek omwen en plant lakot kot zot lakour pour ki letan faz replant pye dibwa i arive, nou tou nou  a desann borlanmer avek nou prop plant e ansanm nou a donn en koudmen rebwaz nou lans. Dan sa fason mon mazinen sakenn ant nou ava aport son kontribisyon personnel e an retour ranforsi sans lapartenans avek son kominote”.

Sa seremoni ti osi enkli louvertir en legzibisyon ki ti montre travay fer par tou bann group e mouvman dan distrik. Sa legzibisyon ti al pour plizyer zour.

Zanfan lekol apre en bon parti domino pandan zournen pourtouvert dan distrik Les Mammelles

Fodre fer remarke ki sa levennman dan distrik Anse Boileau ti asiste par  plizyer envite telki  minis responsab pour Devlopmen Kominoter, Lazenes Spor ek Kiltir, MsyeVincent Meriton, sekreter prensipal pour Developman Kominoter, Msye Olsen Vidot,  manm lasanble nasyonal, Msye Andre Pool, ladministrater distrik pour Anse Boileau, Madanm Valcy Nibourette, reprezantan bann distrik vwazen, bann  partener e zabitan Anse Boileau.

Zournen portouvert organize par bann distrik i ekspekte terminen avek louvertir nouvo sant kominoter distrik Glacis tar an Me ou boner an Zen sa lannen.

En kontribisyon Departman Devlopman Kominoter

Send your comment :

Name *

Email *

Comment *