Kominike Lapolis-9 Somalyen i ganny sarze pour piratri ek lapes ilegal


30-May-2009

Lakour in ordonnen ki tou le 9 akize i kontinyen ganny rimann an detansyon lapolis.
Zot pou repas ankour le 12 Zen.

Iltimatonm 48er pour prizonnyen ek deteni sove rann zot lekor

Lapolis in donn en iltimatonm 48er -- depi 6er diswar yer -- pour kondannen Patrick Sopha, deteni rimann Maxime Tirant, Roy Estico ek David Mathiot pour rann zot lekor avek lotorite konsernen.

I annan enpe letan depi ki kondannen Sopha, deteni rimann Tirant, Estico ek Mathiot in sove an detansyon legal.

Antretan ki lapolis in mont en loperasyon pour atrap sa 4 eskape zot pe osi demann lasistans piblik an zeneral pour asiste zot avek lenformasyon ki a kapab ede pour atrap sa bann fizitif.

Kas batiman e vole

De zonm pe rimann

Lapolis in raporte ki en zenn-onm 18-an ek en lot 25-an in pas ankour yer e ganny rimann koman sispe dan en ka kas batiman e vole kot zot travay.

Sa 2 sispe, ki ti ganny arete Zedi, pou repas ankour le 12 Zen.
Antretan lapolis pe kontinyen avek zot lanket dan sa ka ki ti arive dan rezyon lavil Zedi menm.

Send your comment :

Name *

Email *

Comment *