Loperasyon i kontinyen pour ratrap David Mathiot


16-June-2009

   
Asistan Sirentandan Simeon (a gos) pe koz avek lapres dan sa landrwa kot Tirant ti perdi son lavi

Zofisye ansarz pour zafer entern dan lapolis, Asistan Sirentandan Philip Siméon, in fer sa lapel apre ki de parmi sa kat zonm – Patrick Sopha ek Roy Estico – ti ganny ratrape pandan wikenn.

En trwazyenm deteni – Maxime Tirant – ti perdi son lavi pandan loperasyon monte par lafors sekirite pour aret li ansanm avek Sopha dan Sid Mahe, pli presizeman Anse Forbans, Dimans granmaten.

Estico li, ti ganny ratrape Dimans menm, ver 11er bomaten, La Louise.
Dan lensidan Anse Forbans, Asistan Sirentandan Siméon ti eksplike ki letan sa de zonm ti remark prezans lafors sekirite, zot ti tay dan direksyon separe e sete la ki Tirant ti ganny blese.

Ti en pe letan apre ki Sopha – ki ti’n tay dan direksyon montanny -- ti ganny ratrape.
Asistan Sirentandan Simeon ti dir ki swivan son blesir, Tirant ti ganny anmennen lopital kot i ti ganny sertifye mor.

Touzour dapre Asistan Sirentandan Siméon, en lanket spesifik e detaye in konmanse dan sirkonstans lanmor Maxime Tirant.

In osi profite pour remersye manm piblik pour bann lenformasyon ki zot in donn lapolis e ki’n ede dan larestasyon sa bann zonm.

Send your comment :

Name *

Email *

Comment *