Ledikasyon Konsonmater-Nivo lizyenn dan bann laboutik.


04-July-2009

In annan konsomater ki’n fer resorti sa pwen ki fodre bann boutikye i netway zot laboutik akoz sa i kapab koz en problenm lasante.Zot in fer resorti ki dan serten laboutik i annan lera ki fer zot malpropete dan sa landrwa, e zot tre konsernen avek sa ka.

En kestyon ki zot demann zot lekor se eski saniter i pase dan sa bann tel landrwa ?. konplent in osi ganny fer kot dan serten ka desarz twalet pe koul dan semen akoz sistenm drenaz pa lo standar e dan sa landrwa i annan bokou dimoun ki pase pou zot al kot zot lakour.

En lot konsern se ki bann bann travayer dan boulanze pa met legan ouswa « headcap » ler zot pe deservi zot bann kliyan. Avek sa lepidemi « swine flu » ki pe kontiyelman propaze dan lemonn konsomater i santi zot tre konsernen.Sa problenm lizyenn i evidan sirtou dan bann pli pti laboutik dan kanton me osi dan serten supermarket enkli bann dan lavil. Atraver lenspeksyon ki NATCOF, ti fer lo Pralen, nou ti dekouver ki Pralen osi i annan en gro problenm lizyenn dan mazorite laboutik.NATCOF i kwar ki saniter pa ape fer ase pou asir nivo lizyenn dan mazorite laboutik. I pa akseptab pou en biznes fonksyon dan en kondisyon kot lasante piblik/konsomater pe ganny met a risk. Konsomater i ganny ankouraze pou denons bann biznes ki pa pe gard byen lapropte ek lizyenn.

En kontribisyon NATCOF

Send your comment :

Name *

Email *

Comment *