Follow us on:

Facebook Twitter LinkedIn YouTube

Archive - Archive 2004 - July 2013

Street Party pou enn vo lapenn |24 December 2010

Street Party pou enn vo lapenn

Lanbyans pandan Street Party lannen pase

Sa levennman, ki pe organize par Biro Mer Lavil an kolaborasyon avek group Tanmi, pou deroul lo parking Stad Popiler le 31 Desanm a partir 6er diswar.

Kordinater sa levennman, Joseph Sinon, i dir ziska prezan omwen 25 artis in konfirm zot partisipasyon e sa pou enkli limenm ki pou donn lanmen met lanbyans e fer countdown ziska minwi.

Joseph i dir ki byen boner dan lasware lanbyans pou komans sofe avek bokou lanmizik ek sanson partou kote.

Fodre dir ki manze ek bwar pa pou manke vi ki pou annan plizyer stòl enpe partou kot Stad Popiler.

Disko oplenner kot bibliotek nasyonal i osi lo progranm e tou dimoun pe ganny envite pour sorti dan lakaz sa zour e vin akey 2011 dan en lot latmosfer.

Joseph i dir ki lanmizik pou so menm sa swar e fodre pa les dimoun rakont ou apre.

An sa ki konsern lanbyans Nwel, Joseph i dir son group Tanmi pou kot lakour anvil ozordi depi 11er bomaten pour anim lavil enpe plis ankor.

Son aswar depi 5er kot bar peser lasose, animasyon par group Tanmi pou so menm, Joseph i dir.

Akoz pou napa Bazar Viktorya ozordi, Joseph i fer remarke ki bann dimoun anvil pa pou mank nanryen.

» Back to Archive