Follow us on:

Facebook Twitter LinkedIn YouTube

Archive - Archive 2004 - July 2013

Kominike Lapolis |18 April 2011

Dapre rapor, sa garson ansanm avek en lot son koleg ti’n atak en zonm 47-an e vol son larzan.

Dan sa komosyon latak ek vol, sa zonm 47-an ti pik sa garson dan son vant tandis ki sa lot garson ti ganny sans taye.

Lapolis pe fer lanket dan sa ka ki ti arive Lari Laloz Sanmdi apremidi.

**********

Lapolis in raporte ki ansanm avek lazans servis tenny dife zot pe fer lanket dan en lensidan kot dife in detri en stor ki pou lotorite distrik Les Mamelles.

Dapre lapolis, dan sa stor – ki ti’n konstri an tol -- ti annan lekipman ek zouti pour fer travay lo en semen segonder dan sa distrik .

Lapolis in ganny serten lenformasyon ki’n donn zot rezon pour kwar ki sa dife in ganny mete par ekspre e i pe tret li koman en ka arson.

**********

Lapolis in egalman raporte ki zot in aret en zonm 24-an ki reste Au Cap an koneksyon avek lofans trafik drog ilegal.

Lapolis ti aret sa sispe Vandredi swar swivan en loperasyon fer Au Cap menm.

Sa sispe i egalman ganny bezwen par lapolis koman sispe dan plizyer lensidan kas lakaz e vole dan rezyon les ek sid Mahe tou resaman.
 

» Back to Archive