Follow us on:

Facebook Twitter LinkedIn YouTube

Archive - Archive 2004 - July 2013

Lazans transpor lo later i diskit son nouvo plan travay |26 August 2011

Lazans transpor lo later i diskit son nouvo plan travay

Reprezantan lazans transpor lo later pandan sa rankont avek zofisye departman devlopman kominoter

Sa rankont ti deroul dan lasal konferans Departman Kominoter e ti ganny prezide par tyermenn sa lazans, Veronique Laporte, ek son sef egzekitif par enterim Parinda Herath.

Osi prezan ti sekreter prensipal pour devlopman kominoter Olsen Vidot, direkter zeneral pour devlopman kominoter Dan Frichot e plizyer reprezantan sa lazans.

Sa rankont in osi donn bann administrater distrik en sans pour konn plis lo bann nouvo lapros travay ki sa lazans pe pran pour rezourd bann problenm relye avek transpor lo later dan bann distrik.

Parmi bann konsern ki bann administrater distrik ti diskit lo la ti crash barriers, semen ek lalimyer lo semen.

Serten administrater ti fer resorti ki lalimyer lo semen i tre enportan vi ki i annan serten zabitan ki ganny atake aswar dan zot distrik. Zot ti osi met devan bann proze irzan dan zot distrik.

Msye Herath ti dir ki bi sa rankont se pour zwenn avek sa bann reprezantan distrik pour formaliz en progranm travay depi la ziska Desanm e pour lannen prosenn.

Pandan sa miting zot ti koz lo plizyer proze, parmi i annan bann ki pe ganny fer e lezot ki’n deza konplete.

Msye Herath in dir ki Lazans Transpor lo Later i tre satisfe avek rezilta bann proze ki’n fini konplete.

« Bann feedback sorti kot bann administrater distrik i melanze vi ki zot annan bokou proze ki zot anvi enplimante e lo kote lazans osi nou annan bokou proze, e i annan ki nou ankor pe diskite, » i ti dir.

« Nou ekspekte ariv lo en lagreman lo ki bann proze ki pli irzan ki nou kapab enplimante sa lannen. »

Dan tou bann distrik i annan de kalite proze ki lazans i antreprann. Enn i road maintenance, setadir reparasyon bann lenfrastriktir ki’n kase e mentenir bann ki deza la.

I osi annan bann proze kapital ki konpri bann nouvo semen e agrandisman bann semen.

En rankont parey pou ganny fer pour bann administrater distrik lo Praslin ek La Digue.

» Back to Archive