Kominike Lapolis |30 August 2011

Sa akize in ganny rimann ziska ler son zafer i terminen ankour lefe ki an kometan sa lofans le 14 i ti’n kas kondisyon ki lakour ti’n enpoze lo li oparavan an relasyon avek en lot lofans kriminel.
Prosen dat ki sa akize pou repas ankour i le 12 Septanm.

**********

Sa zonm 30-an ki reste Takamaka, drayver sa pick-up ki ti enplike dan sa aksidan fatal Sanmdi swar Anse Forbans in pas ankour yer e in ganny rimann ziska Zedi le 1 Septanm.

Antretan lapolis pe fer lanket dan sa ka kot François Jules, aze 53-an e ki ti reste Anse Forbans, ti mor apre ki i ti ganny tape par sa pick-up letan i ti pe koup semen.

**********

Sa komite ki’n ganny manda pour trouv solisyon e renormaliz sityasyon swivan latak reken tou dernyenman Anse Lazio, Praslin pe ankor enn fwa demann manm piblik pour aret fer propagann e sirkil lenformasyon ki pa korek atraver bann rezo sosyal.

Sa lapel i vin apre ki portre en reken blan, Great White, anviron 5 met pe ganny sirkile avek lenformasyon ki i responsab pour latak lo sa de touris Franse ek Angle le 1 et 16 Out Anse Lazio.

Lenformasyon atase avek sa portre pe menm dir ki se en bato lapes Espanyol ki’n atrap sa reken obor zil Curieuse, en landrwa deklare en park maren kot lapes i enterdi.

Manm piblik pe ankor enn fwa ganny demande pour demontre enpe plis respe, konpasyon e senpati pour mann fanmiy sa 2 viktim ki’n perdi zot lavi dan en fason trazik.

Antretan ki travay pe ganny fer pour retourn sityasyon normal, manm piblik pe ganny enformen ki restriksyon tanporer pour bennyen e koule i ankor anfors dan sa bann landrwa swivan: Anse Lazio, Petite Anse, Grand Anse, Anse Kerlan, Anse Georgette, Curieuse et St Pierre.