Nouvel Vakans |14 September 2011

Mon ti al fer konmisyon kot STC avek mon manman. Mon papa li i ti anmenn mwan pronmnen dan pick-up e mon ti al travay avek li osi. Pandan bann wikenn dan vakans mon ti ganny sans pour al bazar Au Cap ek bazar Victoria.
Sa vakans ti annan boukou aktivite sport e mwan osi mon ti al get Zwe De Zil e mon ti siport lekip Sesel.

Jean-Michel Toule-Thilathier
P22  Lekol Belo

En Piknik

Dimans pase mon ti al en piknik lo lans Anse Royale. Mon ti al avek mon fanmir. Sa piknik ti konmans 10er edmi ziska 6er diswar. Mon ti met mon bikini ek en zip. Letan mon ti arive, mon ti sot dan delo, mon ti fer paryaz naze e koule, mon ti zwe lo disab.
Letan mon ti fini benyen, mon ti met mon pti rob, mon kannson klate ek mon savat. Mon manman ti kwi min, lavyann, salad karot, diri ek kari poul. Mon ti bwar limonnad. Mon ti danse e byen anmize. Ti annan bokou dimoun lo lans sa zour.

Shantelle Finesse
P22  Lekol Belo

Lanniverser Linda

Sanmdi pase mon ti al lanniverser mon zanmi Linda. Sa parti ti fer aswar. Mon ti met en zoli rob ek mon savat. Lasal ti’n byen dekore avek balon ek girlann. Mon ti manz draze, pizza e bwar limonnad. Nou ti osi manz diri avek salad karot ek lavyann. Nou ti get televizyon e ekout bann sanson Chicco. Linda ti koup son gato. Son gato ti byen bon e ti’n byen dekore. Sa parti ti byen gou.

Emma Robert
P22  Lekol Belo