Kominike Lapolis


30-September-2011

Dapre rapor, Caroline, ki ti akonpannyen par enn son koleg, ti ganny tape par en laroul e son koleg ti vin ater pour rod lasistans pour retir li dan lanmer.
Sa letan ti annan 3 lezot koleg Caroline lo lans.

Sete en tim sovtaz ek lifeguard lotel Le Meridien -- kot Caroline ti pe reste avek plizyer lezot son bann koleg Qatar Airways -- ki ti asiste pour retir li dan lanmer.

Menm si sa tim sorti Le Meridien ti’n sey administre premye swen lo Caroline, letan lanbilans ti arive Caroline ti’n fini mor.

Caroline ti ariv Sesel yer bomaten.

*********

Lapolis in egalman raporte ki sa zonm 53-an ki ti ganny arete, pas ankour e ganny large lo serten kondisyon semenn pase apre ki zofisye lapolis ek lanvironnman ti dekouver e sezi plizyer goni koko-d-mer, nwa koko-d-mer, lekay kare ek kokiy ki proteze anba lalwa, in repas ankour yer. Lakour in ordonnen ki sa zonm i reste an liberte antretan ki analiz i ganny fer lo sa bann lobze. Lanket dan sa ka i kontinyen.

Send your comment :

Name *

Email *

Comment *