Kominike Lapolis


04-October-2011

Sa zonm 37-an ki depi Vandredi swar ti’n admit dan younit swen entansif, in ganny transfer lo ward. Son kondisyon i stab.

**********

En madanm 37-an ki reste Baie Ste Anne Praslin in admit lo ward lopital Sesel yer tandis ki drayver en pick ‘Twin Cab’ ki i ti pasaze ladan ti ganny transporte lopital Baie Ste Anne kot i ti’n ganny met anba lobzervasyon.

Sa ti an rezilta en aksidan raporte arive ver 10.35 yer bomaten Vallee de Mai letan ki sa ‘Twin Cab’ ki ti pe fer direksyon Baie Ste Anne ti glise e tonm anba semen.

Sa madanm, ki’n ganny transporte Mahe, ti pe konplent douler dan leren ek dan lebra. Ti  egalman annan koupe anba son lizye kote gos e toule 2 son lizye ti anfle.

**********

Lapolis in raporte ki en dife ti parsyelman detri laundry kot Chateau St Cloud, La Digue, Sanmdi swar.

Sa lensidan ti ganny raporte avek lapolis ver 7er47.

Bann travayer sa letablisman, ansanm avek zofisye lapolis, ti entervenir pour tenny sa dife.

Dapre propriyeter sa landrwa, domaz okazyonnen par sa dife in estimen pour en lavaler ant 150,000 a 200,000 roupi.

En lanket pe fer dan sa ka.

Send your comment :

Name *

Email *

Comment *