Kominike Lapolis |05 October 2011

Laporte, 26-an ki reste Beau Vallon e ki ti’n ganny anmenn ankour yer bomaten lo 3 lezot sarz vol, ti kondannen le 23 Out sa lannen.

Lapolis ti dekouver e fer sa lasesi lo Laporte letan zot ti fouy lo li an arivan kordgard santral an sortan kot lakour. Lanket i an progre kont Laporte.

**********

Dife in konplentman detri en landrwa fer an tol kot bann travayer sinwan pe travay lo nouvo lopital psikyat Les Cannelles. Dapre rapor en morso sa landwra ti pe ganny servi koman lakwizin tandis ki serten sa bann travayer ti pe servi lot bout pour dormi.

Swivan sa lensidan, en travayer in ganny trete pour brilir lo son vant apre ganny large.
 Apard propriyete serten sa bann travayer ki’n ganny brile, sa dife in osi detri en poto elektrik pour PUC.

Lapolis avek Lazans servis tenny dife ek sovtaz ki ti’n reponn lapel pour lasistans pe fer lanket dan sa lensidan raporte arive ver 11.25 yer bomaten.

**********

Lapolis ek lazans servis tenny dife ek sovtaz pe osi fer lanket dan lensidan kot dife in konpletman detri en loto KIA Picanto (vwar portre) ki ti’n park anba en langar an tol Bel Air.

Sa lensidan ti ganny raporte avek lapolis ver 5er bomaten yer.