Kominike Lapolis-Servis kordgard Pointe Larue i transfer Anse Aux Pins |08 October 2011

Sa i an rezilta gro lapli ki’n tonbe pandan lazournen ki’n koz linondasyon kot sa kordgard.

Manm piblik pe alor ganny demande pour kontakte kordgard Anse Aux Pins pour nenport lasistans ki zot pou bezwen.
Departman lapolis i remersye zot pour zot konprenezon.
 
De ki servis i retourn normal kot stasyon Pointe Larue, zot ava ganny enformen.

Dezord kot lekol segonder Mont Fleuri

Lapolis in egalman raporte ki zot pe fer lanket dan lensidan kot serten etidyan lekol segonder in kre serten dezord kot lekol Mont Fleuri. Pandan sa bann konportman endezirab sirtou par etidyan, i menm annan rapor ki serten propriyete prive in ganny andomaze.

Sa lensidan ti ganny raporte avek lapolis enpe letan avan midi yer.

En lakaz i brile Glacis

Dife in konpletman detri en lakaz Glacis yer. Propriyeter sa lakaz ti ganny trete lopital pour sok apre ganny large. Lapolis ek lazans servis tenny dife ek sovtaz pe fer lanket dan sa lensidan dife.