Follow us on:

Facebook Twitter LinkedIn YouTube

Archive - Archive 2004 - July 2013

Dezyenm albonm Ion Kid i lo marse |12 November 2011

Dezyenm albonm Ion Kid i lo marse

Nouvo albonm Ion Kid An Mouvan i deza anvantSa albonm avek 15 sanson tousord kalite stil -- depi reggae, dance hall, reggae tone -- ti ariv lo marse Sanmdi pase e ziska la, Michael i dir ki lavant pe byen ale e bann sanson parey Mon Vwar Ou e Persiste pe byen ganny apresye par piblik dapre bann reaksyon ki i pe gannyen.

«Mon kontan ki mannyer lavant pe ale. Sa wikenn CD pou osi ariv Praslin ek La Digue,» Michael ti dir nou sa semenn.
Michael i dir ki in pran li anviron 1-an edmi pour li rikord son bann sanson e pour 2 sanson in gann led en zanmi mizisyen, Ricky Fred, ki’n travay lo laranzman mizikal.

Pour sa dezyenm albonm Michael i fer remarke ki in ganny bokou lankourazman apre ki son enn premye ti fer bokou sikse.

«Sa in enspir mwan e pous mwan pour fer en lot e mon asire ki li osi i pou byen ganny apresye,» Michael ti dir.

Bann sanson lo sa enn albonm i baze lo realite lavi toulezour e bann size ki konsern zenn, tel ki lanmizman, relasyon, lanmour, parmi lezot ankor.

Fodre dir ki plizyer artis tel ki Chicco, Rez, Christelle, e Real Kid i osi feature dan bann sanson lo sa albonm.
Si ou en fàn Ion Kid pa manke pour azout sa dezyenm albonm dan ou koleksyon.

M-A.L.

» Back to Archive