Kominike Lapolis |14 January 2012

Zofisye lapolis lo patrol ti aret sa 2 dimoun ver 1.30 apremidi Dimans le 8 Zanvye pe fer sex La Promenade.
 
Tou le 2 ti ganny anmenn ankour Zedi e zot ti pled koupab pour lofans ki zot ti’n komet.

Sa zonm in fini pey son lanmann tandis ki sa madanm in ganny ziska le 1 Zen pour pey pour li sinon i pou al 4 mwan prizon.

**********

Jude Lespoir ki reste St Louis ek Steve Nicette ki reste Mont Buxton in kondann sakenn 6 mwan prizon pour vol larzan en zonm lo Lari Harisson granmaten le 17 Septanm lannen pase.

Nicette in egalman ganny en lot santans 4 mwan prizon pour vol sennon en madanm dan son likou lo Lari Button le 18 Septanm lannen pase.

**********

En zonm 22-an ki reste Beau Vallon in ganny arete e anmenn ankour pour plizyer lofans kas lakaz e vole ki’n arive dan rezyon Foret Noire pandan mwan Desanm.

Sa zonm in ganny rimann ziska le 26 Zanvye, zour i pou repas ankour.

**********

En zonm 25-an sorti Anse Aux Pins in ganny rimann ziska le 23 Zanvye an koneksyon avek plizyer lensidan vol.

**********

En zonm 29-an ki reste Corgate Estate in ganny rimann prizon ziska le 26 Zanvye pour plizyer lofans kas lakaz e vole.
Sa akize, ki’n ganny sarze Merkredi, ti ganny arete le 3 Zanvye kot lapolis ti dekouver e sezi propriyete vole dan son posesyon.