Gro divan i koz koupir kouran lo Mahé


26-January-2012

Direkter par enterim sa servis, Vincent Amelie, i dir ki sa in ganny koze par en sistenm bas presyon, savedir en mas nyaz aktiv ki vin avek gro divan osi byen ki lapli.

Msye Amelie i azoute ki menm si sa bann gro divan i manifeste parey en siklonn, i pa en siklonn.

I dir ki i annan siklonn dan Kannal Mozambique me sa i tre lwen avek nou e i pa pe afekte nou.

« Me avek sanzman klima, nou bezwen komans adapte avek sa bann sanzman dan letan akoz dan lefitir nou kapab ganny bann pli gro divan,» i ti azoute.

Msye Amelie ti osi fer resorti ki pandan sa mwan nou osi pa pe ganny lapli parey labitid.
Dapre en kominike sorti kot Korporasyon Litilite Piblik (PUC), sa gro divan ek lapli in koz bokou dega lo zot sistenm partou lo Mahé.

I annan landrwa kot pye dibwa in tonm lo laliny e lezot kot zekler in bril fuse.
Touzour dapre PUC, pli gro lensidan ti kot feeder Grand Anse Mahé ki fourni kouran depi Grand Anse ziska Port Glaud ek sa enn La Retraite ki fourni kouran ziska Glacis.

I annan plizyer lezot landrwa kot kouran ti’n koupe e PUC in ekspekte rezourd sa problem depi yer.

Send your comment :

Name *

Email *

Comment *