Letter to the Editor-Aret detri lavi dimoun avek kalonmni


18-February-2012

Mon oule reasir tou mon zanmi ek lennmi ki mwan, Josianne Gerry ki reste La Gogue e ki popriyeter JG’s Boutique /JEG Boutique/H&H Supplies /Waves Take-Away /Josianne Tailoring, ki mon pa’n zanmen ganny arete avek NDEA pour tir drog dan latwal, ki mon pa ankonsin e ki mon pa’n zanmen al ankour pour Prezidan ek Vis-Prezidan fer larg mwan akoz mon siport Parti Lepep.

Mon en sitwayen ki pe travay dir pour mon lavi, lavi mon zanfan e ki pe tenir 15 dimoun dan lanplwa. Mon kontribye pour lasosyete dan fon Sekirite Sosyal, mon ede konstrir sa pei e non pa detri li par enportasyon drog. Mon’n vin en successful business person atraver bann loportinite biznes ki gouvernman in met anplas. Loan pa en kontrovansyon, alors mon ti pran pour mwan travay.

Mon fer en lapel silvouple aret sali e fer kalonmni lo lavi dimoun. Mon zanmi, lennmi, reflesir en pe avan nou koze ; aret sali repitasyon Prezidan, Vis-Prezidan par dir ki sa de dimounn in soutir mwan akoz mon siport Parti Lepep. Aret sali sef egzekitif SBC pour dir ki in ganny demande pour pa pas sa nouvel. Menm si ou en siporter Parti Lepep, ler nou’n fer nou fot nou bezwen ganny pini. Les dimoun travay anpe e dan trankilite.

Annou fer keksoz ki konstriktif, aret detri lavi dimoun avek kalonmni. Pran legzanp lo mwan, travay dir e zot a ganny zot rekonpans. Mersi.

Josianne Gerry (Mrs)

Send your comment :

Name *

Email *

Comment *