Kominike Lapolis |06 March 2012

Swivan zot resers, bann zofisye sa de servis dirzans pa’n trouv personn.
Dapre rapor resevwar, sa zonm ki ti’n sot dan delo e pa’n remonte ti byen blan, mens kor avek seve nwanr. I ti zis dan en kannson demi bwa nwanr.

Ziska prezan napa personn ki’n ganny raporte manke avek lotorite me lapolis pe demann nenport endividi ki annan manm son fanmiy ki reponn a sa deskripsyon e ki zot pa ankor trouv li depi yer pour enform kordgard pli pre.
Antretan lapolis pe kontinyen anmas lenformasyon swivan sa rapor.

**********

En garson 14-an ki reste Bel Ombre in admit dan younit swen entansif Lopital Sesel, kondisyon stab, apre ki i ti pros pour noye Beau Vallon Dimans apremidi.

Sa garson, ki ti’n al lo lans avek 2 adilt, ti’n al bennyen ansanm avek lezot garson letan sa lensidan ti arive. Erezman son bann dalon ek sa 2 adilt ti reazir atan pour kapab ed li.

Dapre rapor son manman, sa garson pe trete pour bebelouka.
Sa lensidan ti ganny raporte avek lapolis ver 4.35 Dimans apremidi.

**********
 
Lapolis in raporte ki sa zonm 39-an ki reste St Louis ki ti’n ganny arete e pe ganny detenir koman sispe dan en vol an servan vyolans ki ti arive kot Cash Plus lo Lari Albert le 23 Fevriye, in formelman ganny sarze yer tandis ki sa lot zonm 52-an sorti Beau Vallon ki ti ganmny arete ansanm avek li landmen sa vol, in ganny large.
Sa akize pe rimann e pou repas ankour le 19 Mars.

**********
 
Sa zonm 29-an sorti Sans Souci ki ti ganny arete semenn pase koman sispe dan en lensidan kas loto e vole Sans Souci le 25 Fevriye in formelman ganny sarze e ganny rimann yer. I pou repas ankour le 19 Mars.