Follow us on:

Facebook Twitter LinkedIn YouTube

Archive - Archive 2004 - July 2013

Sef lopozisyon ek lider zafer gouvernman i demar deba lo diskour Leta Lanasyon |07 March 2012

Ti dirizan lopozisyon, David Pierre, ek dirizan zafer gouvernman, Marie-Louise Potter, ki ti pran laparol an premye yer bomaten.

Bann lezot manm ti swiv apre e sa ti ale lazournen antye. Lasanble pour ekout reaksyon bann manm ziska ver lafen sa semenn.

Letan i ti pran laparol, Msye Pierre ti dekri leta nou nasyon koman frazil e dan en entervyou apre i ti dir ki pei i bezwen fer plis reform lo kote son demokrasi, son lekonomi e politik pour fer nou avans devan koman en pei e en pep.

Ler i ti pran laparol, Madanm Potter lo son kote ti dir ki pwen for diskour Prezidan Michel i restriktirasyon ladministrasyon gouvernman ki i dirize avek bi pour kontinyen batir sa Nouvo Sesel ki lepep ti demann li pour fer an Me lannen pase ler zot ti reelekte li koman Prezidan.

Madanm Potter i dir ki sa reform ki Prezidan Michel pe fer dan son ladministrasyon pou prepar nou pour lavenir sa Nouvo Sesel ki nou pe kree avek lepep ki’n met nou la.

» Back to Archive