En lot loto i ganny retire dan lanmer


16-April-2012

Apard pour enn de pti krose lo lanmen e lebra sa de dimoun ti resevwar swen kot Casualty apre ganny large.

Mannev pour retir sa loto dan lanmer yer bomaten

Sa loto ti ganny retire dan lanmer yer bomaten anviron 8er20 dan en loperasyon par Gard Lakot ek Servis Tenny Dife ek Sovtaz.

Portparol lapolis Msye Jean Toussaint ti dir yer ki lapolis ti ganny alerte ver 11er30 Sanmdi swar konmkwa en loto Toyota ti’n tonm dan lanmer obor biro Nasyon.

Msye Toussaint i dir ki dapre lenformasyon i paret ki drayver sa loto ti’n aksidantelman apiy lo akselerasyon dan plas pez fren e loto ti al reponn lapel dan lanmer. I dir erezman vit loto ti anba e sa de dimoun ti ganny sans sorti dan loto apre ki i ti’n tonb dan lanmer.

Sa i dezyenm loto ki ganny retire dan lanmer dan lespas mwens ki en semenn.
Nou ava rapel ki en zonm, Norbin Rose,  ti mor apre ki son loto ti tonb dan lanmer kot lasose Paslin/La Digue Merkredi apremidi.

Send your comment :

Name *

Email *

Comment *