Kominike Lapolis


21-April-2012

Santans Moustache pou konmans apre ki i konplet en term prizon ki i deza pe deservi.

**********
Lapolis in osi raporte ki zot pe fer lanket dan en lensidan zoure dan landrwa piblik e reziste larestasyon ki ti ariv kot Orion Mall Merkredi  apremidi.

Swivan sa lensidan, en zonm sispe ti ganny arete, ganny detenir apre ganny large antretan ki lapolis i konplet son lanket.

Levidans ranmase ziska prezan i montre ki sa sispe ti zoure e maltret sa zofisye zis akoz sa zofisye ti’n ganny sans park son transpor avan li dan en parking letan ki li sa sispe ti pe fer letour pour ganny en landrwa pour park son loto.

Dapre rapor, sa sispe ki ti tre agresiv ti menm debarke dan son loto pour konfront sa zofisye ki ti montre li son badge lapolis e averti li pour aret zoure e maltret li.

Sa zofisye ti apre rod lasistans en lot zofisye ki sa letan ti lo duty kot Orion Mall pour aret sa sispe e sete la ki sa sispe ti reziste.

Dan mannev pour aret sa sispe sa zofisye ti servi son gaz fer plere.

Sa sispe ti egalman ganny krose avek minot ki sa zofisye ti’n met li e ki i ti pe sey retire letan zot ti pe esper lasistans pour anmenn li santral.

Send your comment :

Name *

Email *

Comment *