Kominike Lapolis |10 May 2012
Lapolis ti bezwen entervenir pour dezarm sa zonm ki ti’n met en kouto anba son prop likou dan en laboutik kot son eks-konpanny i travay Mont Fleuri.
Dapre rapor sa zonm ti’n telefonn son eks yer bomaten e dir li ki i pou montre li ki degre i kontan li.
Apre ganny dezarme, arete e kestyonnen par lapolis, sa zonm in ganny remet avek lotorite medikal pour obzervasyon e posibilite tretman sikolozik.
Sa lensidan ti ganny raporte avek lapolis ver 12.50 yer.
**********
En zonm 29-an ki reste Les Mamelles in pas ankour e ganny rimann pour 14 zour.
Sa zonm, ki sispe dan lensidan kas batiman e vole kot Chilli Bar le 5 ek le 8 Me, ti ganny arete Mardi.
Swivan lanket, lapolis in reisi rekiper serten propriyete ki i ti’n vole.
Sa sispe pou repas ankour le 23 Me.
**********
En zonm 21-an ki reste Anse Aux Pins e ki ti’n ganny large Desanm lannen pase lo serten kondisyon, in pas ankour yer e ganny rimann. Sa i swiv son larestasyon e formelman ganny sarze pour en ka vol ki’n arive Mardi lo Chetty Flat.
**********
En kwizinyen Endyen ki travay Le Relax Hotel lo Praslin i admit dan younit swen entansif Lopital Sesel apre ki in ganny brile antye lo son lekor swivan en leksplozyon dan lakwizin sa lotel yer bomaten.
O moman sa lensidan sa kwizinyen ti tousel dan lakwizin.