Fulgencia Amelie i selebre son 100enm lanniverser


19-May-2012

Minis Meriton i prezant Madanm Amelie avek en tokenn

Selebrasyon ti ganny fer dan prezans son fanmir ek zanmi osi byen ki Minis pour Zafer Sosyal, Devlopman Kominoter ek Spor, Vincent Meriton.

Osi prezan ti manm elekte pour distrik Beau Vallon, Madanm Merina Souris, ladministrater sa distrik Madanm Rachel Spiro osi byen ki bann travayer Minister Lasante.

Pandan seremoni Per Collin Underwood ti anim en lanmes e sa ti ganny swiv par prezantasyon tokenn santener par Minis Meriton.
Madanm Amelie ti ne le 14 Me, 1912 La Bati e i dezyenm dan en fanmir sis zanfan.

Ankor byen for malgre en pti problenm lasante de mwan pase ki’n fer li admit dan sa lopital, Madanm Amelie i dir ki in viv lontan akoz dan son lepok zot ti travay dir.

I ti dir ki i osi annan sipor son fanmir e napa personn ki rezet li.
Apre son tretman, Madanm Amelie, ki annan 9 zanfan, i ekspekte retourn kot son fanmir dan son distrik.

Send your comment :

Name *

Email *

Comment *