Kominike Lapolis


08-June-2012

Sa aksidan fatal ti ariv avan Casino des iles apre ki Folette ti perdi kontrol loto ki i ti pe dray e tap dan en tron pye dibwa obor semen dan kote gos ki vir lo montanny.

Sa aksidan ti ganny raporte avek lapolis ver 7.34 aswar e Folette ti ganny deklare mor ver 7.40 kot lopital Baie Ste Anne.

En garson 17-an ki ti pasaze dan loto avek Folette li i ti ganny trete apre ganny large swivan douler ki i ti pe konplent dan son likou.

O moman aksidan Folette ti sorti direksyon Baie Ste Anne.
Sa aksidan fatal i 5enm ki lapolis i anrezistre pour sa lannen.
Lapolis pe fer lanket dan sa ka.

**************

En mini van ti konpletman detri par dife Mardi swar an kitan La Retraite pour al lo North East Point.

Propriyeter sa bis i dir ki i ti pe al fer en kours erport ver 8.50 letan i ti rankontre problenm avek son transpor, alor i ti park son mini van obor semen ek lalimyer emergency lo la, retourn kot li e pran en lot transpor pour al fer son kours.

Sete letan i ti anrout dan direksyon erport ki i ti ganny enformen ki son mini van in pran dife.
Napa personn ki’n ganny dimal dan sa lensidan ki lapolis ek lazans servis tenny dife ek sekour pe fer lanket ladan. 

Send your comment :

Name *

Email *

Comment *