Kominike Lapolis


05-July-2012

Sa zonm, ki pe ganny kestyonnen par lapolis, in raporte ki swivan zot parkour sorti zil Maldive pour Madagascar ek bann zil Chagos, zot in rankontre movetan e anviron trwa zour avan ariv Coetity i pa ti trouv son koleg abor.

Sa zonm, ki lapolis pe kestyonnen, i en Otrisyen 36-an e son koleg ki manke i annan paspor Angle e Sid Afriken e i aze 48-an.

Sa yot avek sa zonm abor ti ganny eskorte sorti Coetivy e ariv Mahe tar Mardi swar.
Osi enplike dan sa lanket i Ladministrasyon Sekirite Maritim Seychelles.

**********

George Joanneau ki reste St Louis in kondann 10-an prizon pour lofans kas batiman, antre e vole. Joanneau ti komet sa lofans le 25 Desanm 2010 letan i ti kas biro ladministrasyon distrik St Louis e vol pour en lavaler pros 11,000 roupi aytenm ki lotorite sa distrik ti’n aste pour parti zanfan dan sa distrik pour lafet Nwel ek Lannen.

**********

Renaud Annette ki reste Mont Plaisir, Anse Royale in ganny en santans 6 mwan prizon pour sove an detansyon legal kordgard Takamaka an 2008.

**********

Lapolis in egalman raporte ki en zonm 32-an ki reste Turtle Bay in pas ankour e ganny rimann koman sispe dan de diferan lensidan kas lakaz e vole dan distrik Au Cap pandan lazournen le 29 ek lannwit le 30 Zen.
Sa sispe pou repas ankour le 13 Zilyet.

Send your comment :

Name *

Email *

Comment *