Fondasyon Jj Spirit i reponn demann lazenes Port Glaud |30 July 2012

Se bann reprezantan Fondasyon Jj Spirit ki ti fer sa donasyon resaman dan sant kominoter sa distrik.

Prezan kot sa seremoni ti manm Lasanble Nasyonal pour distrik Port Glaud Sultane Jacqueline, ladministrater distrik Maisy Port-Louis, bann reprezantan distrik ek Fondasyon Jj Spirit.

Madanm Port-Louis ti remersye Fondasyon Jj Spirit pour sa donasyon e i ti asir zot ki sa televizyon pou ganny byen servi.

I ti azoute ki sa pou kontribye pour retir bann zenn sa distrik dan bann move lenflians, ede dan bann aktivite ki distrik i organize e osi benefisye lezot group tel ki trwazyenm-az e osi zanfan lekol.