Follow us on:

Facebook Twitter LinkedIn YouTube

Archive - Archive 2004 - July 2013

Final konpetisyon kwiz kreol-Lekol segonder Pointe Larue ek distrik Cascade i sorti venker |27 October 2012

Final konpetisyon kwiz kreol-Lekol segonder Pointe Larue ek distrik Cascade i sorti venker

Final sa konpetisyon e prezantasyon bann pri ti fer yer dan lasal Teat Nasyonal Mont Fleuri.

Dan final, Pointe Larue ti fer fas kont lekip sorti lekol Praslin segonder, e skor final ti 39-16.

Lekip Pointe Larue segonder

Bann kestyon ti baze lo plizyer size tel ki lalang ek literatir kreol, zedmo, proverb, kiltir, krwayans, lekspresyon kreol e konnesans zeneral.

Lekol Praslin segonder ti bezwen kontant li avek dezyenm pozisyon e lekip sorti Beau Vallon ti ranport trwazyenm pri.

Ti osi annan pri pour partisipan ki ti fer plis pwen pour son lekip dan staz eliminatwar e sa ti al pour Eminielle Elizabeth sorti lekol Pointe Larue segonder e dan final sa pri ti ranporte par Rinnie Mondon sorti dan menm lekol.

Pour bann adilt, Cascade ti fas kont lekip Grand Anse Praslin dan final, e zot ti ranporte lo en skor 39-23.

Distrik Cascade gran venker final konpetisyon kwiz kreol

En lot lekip sorti Praslin, safwasi dan distrik Baie Ste Anne, ti sorti dan trwazyenm plas.
Partisipan lekip Cascade, Georgine Robert, ti ranport pri konman partisipan ki’n anmenn plis pwen pour son lekip dan final.

Antonia Cherry sorti dan lekip Plaisance ti ranport sa menm pri dan staz eliminatwar.

» Back to Archive