Kominike Lapolis


16-November-2012

Pour en lot lofans kas lakaz e vole komet safwasi  le 5 Mars 2012 touzour Mont Plaisir, sa menm Darell Jean in ganny 2 santans 3-an ki pou mars separeman. Sa kondannasyon 6-an pour kas lakaz e vole pou mars separeman avek son 5-an pour lofans komet le 27 Fevriye.

 Sa i vedir en total 11-an prizon pour Darell Jean.

****

Marcel Quatre ki reste Corgat Estate in ganny en santans 2-an prizon pour lofans trespas kriminel komet le 12 Mars kot lakour en madanm Anse à La Mouche.

Sa menm Marcel Quatre in egalman kondann en term 8-an ek enn 2-an ki pou mars ansanm pour lofans kas lakaz e vole le 26 Mars sa lannen touzour Anse à La Mouche.

Son kondannasyon 2-an pour trespas kriminel ek son 8-an pour kas lakaz e vole pou mars separeman, ki vedir Quatre pou fer en total 10-an prizon.

****

Steve Nicette, en zabitan Mont Buxton ki ansemoman pe deservi en santans 7-an prizon pour vol, in kondann ankor 2-an pour menm kalite lofans.

Merkredi, Lakour Mazistra ti pas sa santans lo Steve Nicette ki le 17 Me lannen pase ti vol sennon en madanm dan son likou lo semen Mont Buxton.

 Nicette pou komans deservi son term 2-an apre ki in konplet son santans aktyel ki 7-an.

****

Lakour Mazistra in enpoz en santans 3 mwan prizon lo Laurence Louise sorti Baie Lazare pour lofans koz dimal son kanmarad. I ti komet sa lofans le 10 Oktob Baie Lazare menm.

 

Send your comment :

Name *

Email *

Comment *