Let-Felisitasyon Anse Reunion! |21 November 2012

Konman en Digwa, mon toultan kontan kan zot fer sa ki byen e sirtou la ki lot lekip sorti La Digue – La Passe – pa’n reisi ganny en lakoup.

Mon oule osi fer tou dimoun mazinen ki pour foutbol parey nou toultan dir ‘boul i ron laplenn i kare e sa ki zwe pli byen ki reisir alafen’.

Mon oule osi azoute ki menm si lekip Anse Reunion fek pas atraver en senaryo ki pa tro zoli avek Federasyon Foutbol Sesel, sa pa’n dekouraz zot ditou. Okontrer sa in fer zot vin pli determinen.

Ankor enn fwa felisitasyon pour sa bon performans e zot in fer tou Digwa tre fyer.
Mersi bokou.

Benjamine Socrate