Kominike Lapolis


29-November-2012

Sa 4 somalyen ti ganny remet avek lotorite Sesel le 28 Zanvye sa lannen swivan zot larestasyon andeor teritwar Sesel par en korvet Danwa HMS Absalon, apre ki zot ti’n atak en bato Iranyen apele Jelburt 40 e pran otaz bann maren.
Sa 4 Somalyen ti kondannen Lendi.

******
Lapolis in egalman raporte ki Mervin Esparon aze 32-an ki reste Baie Lazare in ganny en santans 10-an prizon pour kase, antre e vole dan en laboutik Baie Lazare le 10 Zilyet lannen pase.

******
Raoul Constant, aze 28-an ki reste Anse Boudin in kondann 3-an prizon pour lofans pran larzan lo fo pretans.
 
Constant ti komet sa lofans Sanmdi le 24 Novanm kont en koup Franse ki i ti’n anbete par fer zot krwar ki i pou anmenn zot ekskirsyon. Raoul Constant ti ganny arete Dimans e kondannen Mardi.

******
Alex Alissop sorti La Passe La Digue in kondann 9 mwan prizon pour lofans vagabondaz e konportman dezordonnen.

******
En zonm 30-an ki reste Cap Samy, Praslin, sispe dan lensidan vole lo bato, in ganny rimann ziska le 12 Desanm.

Send your comment :

Name *

Email *

Comment *