En zonm i mor dan dife Au Cap |01 December 2012
Sa lakaz ki’n konpletman ganny detri par sa dife ti pour Ulric e Marie-Ange Onezime ki a sa moman pa ti kot zot lakour.
Dapre Lazans Servis Tenny Dife ek Sovtaz, zot ti ganny enformen lo sa dife ver 10-er bomaten. A sa moman en masin sorti kot stasyon Anse Boileau e de sorti Victoria ti deswit ganny deplwaye pour al Au Cap.
Letan ki zot ti’n ariv kot sa lakaz, dife ti deza dan en staz devlope, kot twatir ti’n fini tonbe e lakaz ti an-flanm.
Lekor Msye Furneau ti answit ganny ranmase parmi bann debri sa dife e en lanket pe ganny fer pour determin lakoz sa lensidan.
Parmi bann ki ti prezan kot sa lensidan ti Minis Dezinyen Vincent Meriton, Minis pour Resours Natirel ek Lendistri Peter Sinon, ki osi manm komite santral pour distrik Anse Aux Pins e Minis pour Lanvironnman ek Lenerzi Profeser Rolph Payet.
Lezot ti enkli manm Lasanble Nasyonal ek ladministrater sa de distrik.