Dife i detri en lakaz Barbarons |04 December 2012
Sa zofisye i azoute ki ler son bann zonm ti ariv dan sa landrwa, sa lakaz ti anflanm me zot ti kapab atak sa dife e anpes li propaz dan sa lot lakaz obor.
Ti annan en dimoun dan lakaz letan sa dife ti pran me i ti reisi sove.
Sa lensidan i ariv 4 zour apre ki en zonm, Rene Furneau aze 35-an, ti mor apre ki i ti’n ganny brile letan dife ti pran dan en lakaz Au Cap. I ti dan sa lakaz omoman ki dife ti pran.
Antretan, Lazans Servis Tenny Dife ek Sovtaz i dir ki zot ti bezwen deplway zot zonm tar yer apremidi apre ki en bis SPTC ek en pick-up ti’n fer kolizyon Les Mamelles.
Menm si sa lensidan ki ti ariv ver 5er45 apremidi in ganny dekri konman pa tro grav, i annan en dimoun ki ti ganny transporte Lopital Sesel pour resevwar swen.