Zenn i egzibit zot sikse


11-December-2012

Viziter pe aprann plis lo bann lakonplisman lazenes atraver legzibisyon

Sa i atraver en legzibisyon kot Konsey Nasyonal Lazenes ki pou reste ouver ziska Sanmdi le 15 Desanm.

Bann egzibit dan sa legzibisyon pe demontre bann aktivite fer lo nivo nasyonal, dan bann distrik e osi lo nivo rezyonal.

I osi annan lenformasyon lo bann diferan seksyon Konsey Nasyonal Lazenes.
Atraver sa legzibisyon manm piblik a osi konn plis lo Lasanble Lazenes ek zot travay, President Award Scheme e plizyer bann lezot linisyativ ki viz ver devlopman bann zenn.

Dan sa legzibisyon i osi annan bann prodwi artizanal fer par bann zenn ki’n swiv bann sesyon formasyon. Se employment initiative unit ki responsab pour ed bann zenn ki pe rod lanplwa e osi bann ki swete fer zot prop pti biznes avek bann diferan formasyon.

Sa legzibisyon i parmi bann aktivite dan kad Festival Lazenes sa lannen ki ti lanse ofisyelman Vandredi pase e ki pou terminen Merkredi.

Send your comment :

Name *

Email *

Comment *