Konsey i met lanfaz lo proze vize ver devlopman lazenes


14-January-2013

 

Madanm Van der Westhuizen pe adres bann travayer lazenes pandan rankont Vandredi

Se sef egzekitif Konsey Nasyonal Lazenes Vicky Van der Westhuizen ki ti dir sa Vandredi pandan ki i ti rankontre bann travayer lazenes atraver pei e travayer sa konsey.

Sa rankont ti deroul kot biro sa konsey dan prezans direkter zeneral pour lazenes dan biro Prezidan Fatoumata Sylla.

Madanm Van der Westhuizen ti koz lo bann sikse ki lazenes in fer atraver pei pandan lannen 2012 e sa ki konsey in reisi akonplir osi.

I ti fer resorti ki i enportan ki sa lannen lanfaz i ganny mete lo prodiktivite e ki bann aktivite i met an valer tenm nasyonal pour sa lannen – Travay dir pour nou Sesel.

I ti osi dir ki sa lannen, konman sef egzekitif, i pou fer ki i rankontre plis manm bann group ki tonm anba konsey e osi dan bann distrik.

Madanm Van der Westhuizen ti osi felisit sa bann travayer lazenes pour zot travay e zefor pandan lannen 2012, koz lo bann defi e partaz serten sizesyon.

Send your comment :

Name *

Email *

Comment *