Kominike Lapolis |29 January 2013

Rapor sa dekouvert ti ganny fer Korgard Mont Fleuri par en dimoun ki reste obor kot simityer kote ki vir lo Corgat Estate.
 
****

Lapolis in egalman raporte ki sa 4 zonm ki ti ganny arete an relasyon avek disparisyon Paul Marcelin pandan en voyaz lapes in ganny large yer.

Ka sa 4 sispe ki’n fer 14 zour lo rimann in ganny met akote pour donn letan lapolis konplet son lanket lefe ki zot pa’n kapab anmenn ase levidans solid pour sarz sa 4 sispe.

Sa 4 zonm, ki parmi i patron, ti ganny arete le 12 Zanvye apre ki zot ti antre Mahé sorti lapes e deklare ki enn zot koleg, Paul Marcelin aze 31-an, ki reste Corgat Estate ti manke lo bato.

Dapre rapor ti Vandredi le 11 Zanvye aswar ki Marcelin pa ti ganny trouve lo bato.
Resers par Gard Lakot pour retrouv Paul Marcelin in anven.

Lapolis in raporte ki menm si i pa’n ganny sarze pour disparisyon Marcelin, i pa vedir napa lot sarz ki kapab ganny anmennen kont patron sa bato.