Kominike Lapolis


08-February-2013

Sa pti garson in ganny kros krose lo son 2 lebra, 2 lipye ek son figir.

Dapre rapor sa pti garson ki reste Maldive ti’n en sel kou koup semen par deryer en jeep ki ti’n park obor semen e malgre sa mini van ki ti pe desann ver lavil ti esey say li, sa pti garson ti bat ek sa pti bis e tonm lo semen.

Inisyalman sa pti garson ti ganny transporte lopital Riviere Anglaise e apre ganny refer Lopital Sesel. Sa lensidan ti ganny raporte avek lapolis ver 2er apremidi.

*******
Lapolis in raporte ki Derreck Denousse ki reste St Louis in kondann 11-an prizon pour lofans kas lakaz e vole. Pour kase in ganny en santans 6-an e vole 5-an ki mars separeman.

Denousse ti komet sa lofans granmaten le 12 Zen lannen pase kot en lakaz St Louis.

*******
James Paul ki reste Petit Paris ek Roy Lozaique ki reste Cascade in kondann sakenn 10-an prizon pour kase e vol siman dan en ‘container’ Providence le 11 Desanm 2011.

*******
Samuel Esparon ki reste Anse Aux Pins in ganny en santans 5-an prizon pour kase, e antre dan en lakaz avek lentansyon pour vole. Esparon ti komet sa lofans pandan lannwit le 3 Zilyet lannen pase Reef Estate.

*******
Vincent Issac ki reste Barbarons in kondann 6 mwan prizon pour kas en lakaz Barbarons menm le 17 Me, 2010.
 

Send your comment :

Name *

Email *

Comment *